قضايا جمعاويه :::: 2. الزواج

hamselmasaa كتب:

طبعا في الاول لازم يكون حد اخلاقه كويسه ويعرف ربنا


علشان يصوني ويحافظ علىا لكن مفيش مانع اني اضمن
حياه كريمه ومستوى على الاقل زي اللي عايشه فيه بس انا
مش لازم بقى الفيلا والعربيهة والحساب اللي في البنك
يعني يكون مستور وطبعا قبل ده كمان لازم يكون في تكافؤ اجتماعي
يعني مبحبش الفروقات الجامده في اتعليم او المستوى الاجتماعي لانها بتعمل
مشاكل كتير وهو الموضوع في الاول والخر مساله نصيب وربنا يكلرم كل واحد
ويلاقي اللي عاوزه

شكرا لحضرتك علي المرور والاهتمام
بس فعلا لازم مع الاخلاق المستوي اجتماعي باردوة مماثل
والمستوي المادي المعقول المقدره نفسها علي تحمل مسؤليه عائله

بس حته المستوي العلمي مظنش عائق في المواضيع دي
ولا ايه ؟

انا عارف ان محدش هيبقي في دماغه حاجه ف الاجازة
واولها المنتدي بين قوسين كفايه ايام الامتحانات ع المنتدي

bosy كتب:

شكرا للاهتمام بالموضوع قبل اي حاجه


اولا انا كــــبنت :
انا مخطوبه ويوم ما وافقت على خطيبى ده وافقت على اساس حاجات معينه
اولا اننا عارفينه كويس وعارفين اهله ناس محترمين وبيحترمونا وبيقدرونا جداا
غير طبعا انى بصيت على الاخلاق والدين والى حد كبير متوفرين بشكل معقول جدااا

واكيد طبعا المستوى التعليمى والاجتماعى لازم يكون فيهم تقارب كبير مش لازم تطابق ولكن تقارب


اما بقى المستوى المادى فاكيد بردو بصيت عليه بحيث بردو المستوى اللى انا عايشاه مع اهلى المفروض ماقلش عنه كتير ولا ازيد عنه كتير
يعنى من الاخر كان يهمنى فى النقطه دى انى اضمن باذن الله مستوى معيشى
معقول ويعيشنى حياه كريمه ويكون قريب من مستويا فى بيت اهلى
واكيد بردو الارتياح النفسى بين الطرفين


تمام يعني رأي حضرتك الي هيا الفكره كلها

ان اهل الشاب دا يكونوا ناس كويسه والشاب نفسه

دينيا والمستوي المادي معقول

بس حته المستوي العلمي دي باردوة من وجهه نظري ممكن تكون
اخر نقطه بعد الارتياح الشخصي بين الاتينن


اما عن رايى كأم(ان شاء الله يعنى

اكيد هحاول اربى بنتى وابنى اولا على الاسس الصحيحه اللى تختار بيها شريك حياتها
واكيد ان شاء الله هفكر بنفس الاسلوب اللى فكرت بيه انا وقت ارتباطى


ان شاء الله كلنا نربي ولادنا
في المستقبل البعيد

علي الاس الصح
الي تبني شخصيتهم يعرفوا يختاروا كويس

فلوريندا كتب:

فى الاول والاخر الشخصيه
وبالنسبه للدين مافيهاش كلام
موضوع مهم جدا يابشمهندس جزاك الله خيراً

Zekus كتب:

فلوريندا كتب:

فى الاول والاخر الشخصيه
وبالنسبه للدين مافيهاش كلام
موضوع مهم جدا يابشمهندس جزاك الله خيراً

هوا فعلا الشخصيه اهم حاجه بس ممكن يكون شاب شخصيته
كويسه بس ماديا مش تمام اوي ممكن اهل البنت يرفضوه
هل حضرتك تتوقعي ان البنت ممكن تتمسك بيه
وتحاول تقنع اهلها
ولا في اهل اهم حاجه عنهم المستوي المادي
يمكن بعد شخصيه الشاب وتدينه ؟؟؟؟

فلوريندا كتب:

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

‏قَالَ رَسُولُ اللَّهِ ‏ ‏صَلَّى اللَّهُ عَلَيْهِ وَسَلَّمَ ‏ ‏إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ إِلَّا تَفْعَلُوا تَكُنْ فِتْنَةٌ فِي الْأَرْضِ وَفَسَادٌ قَالُوا يَا رَسُولَ اللَّهِ وَإِنْ كَانَ فِيهِ قَالَ إِذَا جَاءَكُمْ مَنْ تَرْضَوْنَ دِينَهُ وَخُلُقَهُ فَأَنْكِحُوهُ ثَلَاثَ مَرَّاتٍ ‏
‏قَالَ ‏ ‏أَبُو عِيسَى ‏ ‏هَذَا ‏ ‏حَدِيثٌ حَسَنٌ غَرِيبٌ ‏ ‏وَأَبُو حَاتِمٍ الْمُزَنِيُّ ‏ ‏لَهُ صُحْبَةٌ وَلَا نَعْرِفُ لَهُ عَنْ النَّبِيِّ ‏ ‏صَلَّى اللَّهُ عَلَيْهِ وَسَلَّمَ ‏ ‏غَيْرَ هَذَا الْحَدِيثِ ‏

Zekus كتب:

فلوريندا كتب:

بس فيه ملحوظه مهمه اوى فرق المستوى العلمى ده لما تكون البنت لما الفارق يبقى جامد مش كليه وكليه يعنى
ده اول طريق الفشل دى ممكن العقبه بعد حكايه الماديات
ممكن ناس تانيه عادى بس بجد ماينفعش

وفى الاول والاخر ده يبقى ترتيب ربنا ونصيب سواء فيه توافق او مافيش


مظنش حته المستوي العلمي دي تفرق في موضوع الزواج نفسه
انا شخصيا اعرف ناس جيران لينا البنت خريجه كليه والشاب
تقريبا دبلوم بس طبعا قادر علي تحمل مسؤليه الاسره
يعني شغال ومستواه المادي كويس
بس في فرق كبير اوي اهو في المستوي العلمي وعايشين
مع بعض كويس جدا الحمد لله مظنش من وجهه
نظري الحته دي تفرق

ومن البدايه اكيد اكتر حاجه لازم نكون مسلمين ليها هي الوضوح والصراحه في التعامل من البدايه