i.e. VS e.g

هـاى

كتير واحنا بنقرا بنلاقى الرموز دى i.e - e.g
وبنفتكر إنها اختصار لكلمة انجليزى , وأعتقد إن أغلبنا خلاص خمن تقريبا معناها الصحيح من كتر ما بنقابلها ف كتب الكلية

الحقيقة هيا اختصار لمصطلحات لاتينية قديمة .. مش إنجليزية
مع إن أغلب الأجانب من العامة فاكرين إن i.e هى اختصار للتعبير العامى egg sample "عينة من البيض"
وإن e.g اختصار للتعبير in essence "جوهريا"
لكن ده مش صحيح (على اساس اننا نعرف فى لغتهم اكتر منهم )

• i.e هى اختصار للمصطلح اللاتينى 'id est'
  

الترجمة الحرفية ليها هى : ..that is
لكن فى الانجليزى الحديث , والمعنى اللى غالبا بيبقى مقصود من الاختصار ده هو: in other words
طبعا ده مفهوم فى الكتب الاكاديمية زى كتب الكلية .. لكن الاختصار ده ليه استخدام ظريف فى العامية .. زى كده:
!I'm going to take Dr.Hesham exam, i.e I'm going to take hell

• e.g هى اختصار للمصطلح اللاتينى 'exempli gratia'
  

الترجمة الحرفية ليها هى: ",for the sake of an example"
بس محدش بيتكلم بالطريقة دى الا اذا كان بيهرج أو كان قديم شوية .. أو ببساطة بيحاول يكتب شعر
فى الكتب الاكاديمية معناها : for example (طبعا انتو عارفين من كتر الـ )


ملحوظة: دايما i.e و e.g بيتكتبوا كده بحروف صغيرة حتى لو كانوا فى أول الجملة.
بعض الناس قرروا -لأسباب غير معروفة ومن المنتظر البحث فى خلفيات هذا القرار- إن I.E اختصار رائع لـ Inland Empire
و دى منطقة بتبعد 37 ميل جنوب كاليفورنيا, وفيه مقولة مشهورة بيقولوها هى:
" اللى مش قادر يتحمل المعيشة فى لوس أنجلوس ,يروح إنلاند امباير"
وده مش اقتراح للأحسن واللا حاجة, لأن مناخها إما حر اوى أو برد جدا, وكمان مليانة مهاجرين غير شرعيين
واللى غالبا بيتحولوا لأعضاء فى تنظيمات إجرامية أو عصابات.

الملحوظة التانية إن فيه اختلاف على النقطة اللى فى اخر الاختصارين دول..
الفريق الاول بيكتبها كده e.g / i.e وبيبرر عملته دى بإنها اصلا مش اختصارات لكلمات انجليزية فمش لازم تتعامل نفس معاملة
الاختصارات الانجليزى "تمييز عنصرى يعنى " .. أو ببساطة لأنها نقطة, ومجتش على نقطة.
الفريق التانى بيكتبها كده e.g. / i.e. و حجته ف كده إن برامج الكتابة بتتهبل عليك وبتصمم انك تحط النقطة لما بتعمل تصحيح لغوى,
أو ببساطة لأن i.e من غير النقطة هوا اختصار لـ internet explorer ولا يجوز الخلط بين الاختصارين.

فيه كتب لغة عريقة بتقول انك لازم تحط قبلهم كمان نقطة (.) أو semicolon (; ) فى حالة لو استخدمهم فى تعريف جملة كاملة بعد جملة تانية كاملة,
وفى حالة لو هنستخدم e.g.أو i.e. لتقديم جملة درامية أو موقف صعب فمن الأفضل نحط قبلهم em dash (—) كما تنص ويكيبيـديا ..
الجدير بالذكر إن كل جامعة فى أمريكا وبريطانيا ليها رأى مختلف فى الموضوع وكل قاموس بيدعم وجهة نظر الجامعة الصادر عنها
وواضح ان فيه اختلاف فقهى كبير ف المسألة

شكرا يا نور القمر
أنا برضه بعمل كده ..

معلومه مفيده

جزاك الله خير

شكرا يا منى